Hack the iPhone

Cydia ki tanseeb (Installer ya tansibkar ka mutbaadil)

Mac & Windows XP / Vista


Cydia kiyaa hai? Ye bilkul Installer ya Tanseebkaar ki tarah hai lekin ye khulay aam dustyaab hai aur ziyada khusoosiaat ka haamil hai. Aur mazeed ye keh iss may kum say kum masaail ka saamna kerna partaa hai. Ager aap Cydia kay baaray may mazeed jaan-na chahtay hain toh isskay  Takhleeqkaar ki website  dekhain.  Iss  program ki tanseeb say pehlay kuch khaas pehlu say aagaah ker doon.

• Aap Cydia aur Installer, dono ko apnay iPhone per aik saath rakh saktay hain. Ye zururu nahi keh isay Installer ki jagah istaimaal keeyaa jaae, lekin aisa keeyaa ja sakta hai.
• Ager aap Installer kay zeriye BSD Subsystem nasb ker chukay hain toh Cydia uss puraani ishaa'at ko hataa ker naee aur behter ishaa'at nasb ker dayga. Lekin aap kabhi bhi BSD Subsystem ki files ko Installer kay istaimaal say ter o taaza nahi keejiyay werna, Cydia say takhleeq paanay wali files kay nuqsaan ka khadshaa hai.
• Ager aap ko Installer kay zeriye koi aisaa program istaimaal kerna parray jismay BSD Subsystem ko chalaana zururi ho toh Khayaali ya Fake BSD Subsystem ko istaimaal kerain, jokeh Installer kay System folder may mojood hotaa hai.
• Ager aap Cydia ko aisay iPhone per istaimaal kerain jismay aapka zaati mawaad aur muaawin programs yaani applications mojood hon aur unhay kisi berray disk partition ya hissay (jahan sub say ziyada zakhiray ki gunjaaish ho) per muntaqil kernay kayliye BossTool jaisay program ka istaimaal, jokeh ager abtak nahi kiyaa, toh Cydia inhay khudkaar tereeqay say, disk kay chhotay partition ya hissay per aaindaa khaali honay wali gunjaaish may muntaqil kerta rahay ga.
• Aik mertaba install kernay kay baad aap kabhi kabhaar net per Cydia ki repository ya zakheeray ko ter o taaza kertay rahain, taakeh iss baat ka itmainaan ho keh aap kay pass nasb shuda programs ki taaza tereen ishaa'at mojood hai.
• Aap Mobile Terminal ya Dasti Raabta nasb ker saktay hain jabkeh, Installer program kay ber-aks, iss kayliye aap ko fix files ya files ki durustgi ki zururat nahi, aur naakeh BSD Subsystem kayliye, kiyunkeh ye kaam Cydia kerta hai. Mazeed ye kah, aap iPhone ka merkazi password tabdeel ker saktay hain! Mobile Terminal bhi aapka doraania raabta munqataa nahi kerayga, jabtak keh aap khud munqataa na kerain, buhot umda.

Merhala 1.

Ager aap nay sabaq 1 may meri hidaayaat per amal kertay huay iPhone ki activating ya ikhtiyarkaari, jailbreaking ya likhnay ka ikhtiyar aur unlocking ya bandish kushi keeyaa hai, toh Installer aapkay phone per nasb hoga. Ab iss baat ka itmainaan kerlain keh  Auto-Lock ya Khudkar-Bandish ko Never ya Kabheenahi per set kiya hua hai. Ab Installer ko shuru kerain, jokeh Featured ya Khawaas kay safheh per khulaygaa.




Ab Neechay Sources ya Zeriya kay alaamti nishaan ko dabaaen. Ab ooper daaein janib Edit  ya Raddobadel ka button dabaaen. Ab ooper baaein janib Add ka ya Izaafa ka button dabaaen.









Ab  apptapp.saurik.com  derj kerain, aur OK button dabaaen jokeh Sources ya Zaraae ko ter o taaza kerdayga aur aap issi safheh per waapus aajaaen gay. Ab Done ya Takmeelpaya button ko dabaaen.




Ab aap ko neechay Saurik ka source ya zeriya nazer aaega.




Ab neechay Install ka alaamti nishaan dabaaen. Ab neechay Systemfolder per jaaein aur isay dabaaen. Aglay safheh per Cydia Installer muntakhab kerain.




Iss program ko Install ya nasb kerlain. Net say husool ya download may kuck dair lagay gee.




Notice parh ker itmainaan kerlain aur Ok button dabaaen. Iss tarah Installation ya Tanseeb shuru hojaaegi.









Mojooda halet ka message nazer aaega. Iss message ko parhlain aur Ok button dabaaen.




Program nasb honay per SpringBoard ya IbtidaaeeManzer per isska alaamti nishaan nazer aaega. Ager aap nay Installer istaimaal keeyaa hai toh iss program ka beshter andaaz aap ko daykhaa bhaala nazer aaega.

Aap ko iss program ki updates ya  taaza ishaa'at nasb kernay ki hidaayat mil sakti hai. Iss kayliye aap Upgrade Essential ya Taaza o Zururi ka button dabaaen. Iss kaybaad Confirm ya Tasdeeq ka button dabaa ker taaza ishaa'at nasb kerlain.

Jaisay program net say haasil hota hay aur Cydia may taazaa ishaa'at nasb hoti hai, aap ko screen per iss amal ki mojooda halet nazer aaegi. Aik message ubher ker saamnay aaega keh Cydia ko bund kerkay dobaara shuru kerain. Lekin isswaqt kuch na kerain! Neechay mojood bar ki takmeel ka intizar kerain. Aisaa mehsoos hoga keh ye amal ruk gaya hai, mager der-asal aisa nahi hai. Aakhir e kaar ye bar mukammal hojaaegi. Aur iss tarah aap OK button dabaa saktay hain aur ab SpringBoard ya IbtidaaeeManzer per jaaker dobaara shuru kernay kayliye Home button dabaaen.




Ab aap merkzi screen per dobaara aajaaengay. Neechay Install ka button dabaaen.




Iss kay baad mai nay All Packages ya Tamaam Mansoobay ka folder dabaaya. Ab mai nay Mobile Terminal ya  dasti raabta nasb kia, jokeh aik aasaan saathi ki maanind hai. Aglay sreen per Install dabaaen.




Aik mertabaa phir aap program ki net say husooli aur isay nasb hotay dekhain gay. Takmeel per Close Window dabaaen aur isskay baad Home button dabaaen, iss taraah aap SpringBoard ya IbtidaaeeManzer per Terminal ka alaamti nishaan daykhain gay.

Aaiye ab alpine password/herf e ikhtiyar ko pasandeeda password say tabdeel kerain...

Apnay Mac computer per,  Applications ya muaawin programs folder per jaaen, isskay baad Utilities ya Sahooliyaat folder per jaaen. Yahan per Terminal naam ka aik program hoga. Iss ko shuru kerain. Mujhay umeed hai aap ko ye sabaq aasaan lag raha hoga. Neechay deeye indraaj kay mutaabiq aap Terminal may 2 ajzaa ka indraaj kerain gay. Note (ghor-fermaaen):  ssh kay baad jo herf hai, wo chhotaa l (el) hai, isay I (eye) na samjhain. Yahan IP address may AAPKAY iPhone ka IP address aaega. Yahan meri misaal may 10.0.1.11 der-asal MERAY iPhone ka IP address hai. Aglee line ya seter may alpine likkhaa hai, jokeh khudkaar password ya herf e ikhtiyaar hai, agercheh keh aap nay usay tabdeel na keeyaa ho.

ssh -l root 10.0.1.11
alpine

Iss kay baad ye command ya hidaayet derj kerain:
passwd

Iss kay baad aap ko nayaa password derj kernay ko kahaa jaaega, aur phir isay confirm kernay ko kahaa jaaega. Jab ye tabdeel hojaaega toh aap system kay maamoolaat may waapas aajaaen gay. Aur isstarah ye amal mukammal huaa.