Hack the iPhone
iLiberty+ se 1.1.4 firmware ki bahaali ka ikhtiyar, likhnay ka ikhtiyar aur bandish kushi kerna (3.9 / 4.6 bootloader)
Windows XP / VistaiLiberty+ hee 1.1.4 firmware ki activating ya bahaale ka ikhtiyar, jailbreaking ya likhnay ka ikhtiyar aur unlocking ya bandish kushi kernay kayliye aik hetmi program hai. Iss program ki Windows kayliye qaabil e istaimaal ishaa'at ko George Zhu aur Aviegas nay takhleeq kia. Inkay ilaawa deeger qaabil e tehseen naamon may Baalbeck, bgm, cRAKn, francis, GeoHot, George Zhu, MuscleNerd, pepijn, pumpkin, SoLoR, stroke, sunny, tjcarter aur iPhone murattab kernay waalee jamaat shamil hain.
Khaberdar
Amalderaabmad say pehlay, Tamaam iPhone maalikaan ko intabaah zuroor dekh lain.Merhala 1.
iLiberty+ net say yahan hasil kerain. Iss kay baad iLiberty+ program ko shuru kerdain.
Ab Tools per click kerain aur Options muntakhab kerain.
Yahan iss baat ka yaqeen kerlain keh 'Check repo at startup' per nishaan lagaa diya gaya ho. Ab OK button per click kerain aur iLiberty+ program ko bund kerkay dobaara shuru kerain.
Dobaara aghaz per aap dekhain gay keh ye program iLiberty+ kay zakheeray may net per dastyaab madadgaar programs ki jaanch pertaal ker raha hai.
Program ka aghaz Standard button per hota hai. Ab apni pasand kay ajzaa muntakhab kerain. Mai nay ghalati say 4.6 bootloader kay buland derjay say 3.9 kay pust derja khayaali bootloader ko muntakhab kia (jisay aap baad may aik tasveer may bhi dekhain gay) lekin aisa kernay say koi ferq nahi partaa. Ye program ghalati ko check ker laytaa hai.
Ab Advanced ka button dabaaen. App dekhain gay keh Standard button may aap kay intakhaab hee kee wajah say yahan 3 karaamad ajzaa, muntakhab ajzaa ki fehrist may mojood hain.
Ab uss nichlay button per click kerain jis per tehreer hai, Payloads Available On Repo. Yahan izaafi ajza bhi tanseeb kayliye muntakhab kiyay jaa saktay hain. Inn ajzaa ko aap phone qaabil e istaimal banaanay kay baad bhi dobaara nasb ker saktay hain.
Tamaam matlooba ajzaa muntakhab kernay kay baad Download per click kerkay tamaam files net say hasil kerain. Net say husool kay doraan her file ki takmeel ka paimaana bar ki soorat may nazer aaega.
Ab Local Payloads button per click kerain. Ab apni matlooba tanseebi files kay saamnay deeye boxes per click kerkay nishaanaat zuroor lagaaen kiyunkeh inn nishaanaat ka khudkaar tareeqa mojood nahi. Jaisay jaisay boxes per nishaan lagaatay jaatay hain, neechay deeye muntakhab button kay number shumaar may izaafa hota jaata hai.
Agar aap neechay Selected Payloads ya muntakhab ajzaa kay button per click kerain toh aap wo tamaam ajzaa dekhain gay jokeh tanseeb kayliye tayyar hain. Jab sab kuch tayaar samjhain toh neechay, Go for it! kay button per click ker dain.
Agar neechay deeya ghalati ka message nazer aae toh OK per click kerain aur iTunes program chalaa dain aur iss amal kay doraan iTunes chalta rehnay dain. Ab Go for it! button per dobaara click kerain.
Jab aap neechay deeya notice dekhain toh iPhone ko computer say aik mertaba alag kerkay dobaara computer say munsalik ker dain. Ab OK button per click kerain.
Aisaa kernay per derjzel paighaam nazer aaega aur phone khud ba khud bund hoker dohaara shuru hojaaega.
Ab iPhone per derjzel tehreer chalti nazer aaegi. Phone kay bunyaadi nizaam may ghair mayaari mawaad ki nishaan dehee qaabil e ghor hai. (Hosakta hai aap ko aisa message nazer na aae.)
Ab aap ko phone ki screen kay baalai hissay per neeli patti nazer aaegi aur jaisay jaisay program munkhab ajza ki tanseeb kerta jaata hai, aap haasilshuda paighaamaat ki bhermaar dekhain gay. Iss amal kay khaatmay per aapka iPhone aik mertaba khud ba khud bund hoker dobaara shuru hoga aur iss tarah aapka phone istaimaal kiayliye tayyar hai.
